Lectores Avanzados (10-11 anos)

“Se eu puidese volver a debuxar o mundo, despregaríao como un libro…” Con esta frase, o autor revela os seus soños de conseguir un mundo mellor, no que todos os seus habitantes puidesen dar renda solta á súa imaxinación e descubrir a beleza da contorna. “E ti, como o debuxarás? Que farás para acabar coa fame, repintar o odio ou colorear bonitas historias de amor entre o aire, as plantas e todos os seres humanos do planeta?” Os autores convidan aos pequenos lectores a compartir o seu entusiasmo, a pintar retratos dos habitantes de diferentes partes do mundo e volver a debuxar a beleza oculta en todos os recunchos do planeta. Acompañada dunha preciosa cartografía e un fermoso texto poético, cada idea abre fórmulas posibles para cambiar o mundo, as cales introducen unha analoxía. O mundo podería ser un libro de historias sen fronteiras que se podería ler en voz alta, unha composición musical, un cabalo salvaxe…Xógase tamén con metáforas interconectadas, palabras e recreacións léxicas. Cada un dos soños e ideas vese confrontado cos seus detractores, para contrarrestalos mellor. O planeta non está condenado ás divisións ou ás páxinas rotas.

1º-2º Primaria

3º-4º Primaria